Puisi Aura Diatri Titania-ABHIPRAYA UNTUK MALUKU

ABHIPRAYA UNTUK MALUKU

Karya : Amarantha Anggana Aura Diatri Titania

Orang-orang sering menyebutnya Maluku

Tapi kalau beta, lebih suka menyebutnya Indonesia kecil, surga tersembunyi di pulau timur Indonesia 

Indonesia kecil yang semua penduduknya dari belahan Nusantara

Indonesia kecil yang semua suku, ras, agama, bahkan budaya ada di sana

Cuma di Maluku orang-orang makan pisang goreng deng sambal

Cuma Maluku yang punya pasir pantai sehalus tepung

Cuma Maluku yang punya Banda Neira yang katanya seindah surga

Cuma Maluku yang punya gong perdamaian

Cuma Maluku yang punya Benteng Kastella, Benteng pertama yang di bangun Portugis tahun 1522 

Cuma Maluku yang punya Batu Pamali

Cuma Maluku yang punya budaya makan patita

500 tahun lalu, orang-orang Portugis datang ke tanah Hindia

Seng cuman Portugis, Spanyol, Belanda, Inggris, deng Jepang saja yang jajah katong, tapi Indonesia sendiri jua jajah katong, jajah Maluku 

Su 78 tahun Indonesia merdeka, tapi kenapa beta rasa katong masih sengsara?

Anak-anak seng dapat pendidikan yang layak 

Anak-anak negeri jadi budak di negeri sendiri

Mayoritas mau tekan minoritas

Kesehatan, pendidikan, lapangan kerja jadi masalah yang seng habis-habis

Katanya ale rasa beta rasa tapi kenapa pas beta susah, ale bilang beta sampah

Bangun Maluku seng butuh kata-kata, tapi katong butuh kerja nyata

Bangun Maluku seng harus jadi orang besar, tapi katong anak muda yang harus maju paling depan

Jang cuman unjuk tangan, tapi katong musti turun tangan 

Jang cuman sila tangan di dada, sampe lupa kalau katong masih harus berjuang

Beta lahir di Nusantara 

Beta besar di pulau timur Indonesia 

Tapi beta belum bangga jadi anak Indonesia

Karna apa yang beta liihat nyata jauh dari apa yang beta damba

Katong samua satu, Maluku 

Katong samua tau Maluku itu kaya

Katong samua tau kalo Maluku jadi alasan orang-orang Eropa datang ke tanah Hindia

Bahkan 70 tahun lalu di pulau Geser, Seram Timur Maluku 

Presiden pernah bilang, Indonesia tanpa Maluku bukan Indonesia

Seberharga itu Maluku di mata Indonesia bahkan dunia

Beta ingin bangga jadi orang Indonesia, melihat Nusantara makmur merata

Beta ingin bangga jadi orang Indonesia, tiap orang punya lapangan kerja 

Beta ingin bangga jadi orang Indonesia, yang para pemerintah bersih tak tercela

Beta ingin bangga jadi orang Indonesia, yang para pemimpin seng cuma bicara tapi ada bukti nyata

Beta ingin bangga jadi orang Indonesia, yang para pemimpinnya seng curi uang negara, seng gila harta seng gila kuasa 

Beta bicara sebagai anak muda yang miris melihat Maluku saat ini

Beta seng tau mau menanggis par sapa, beta seng tau mau merengek par sapa 

Jadi lewat bait-bait dalam tulisan ini beta ingin mengungkapkan beta pu isi hati, supaya anak negri seng terjajah di negeri sendiri

Beta pela, ale bela

Ale gandong, beta gendong

Location:

Sudut Plambon Media mahasiswa yang fokus membagikan artikel seputar dunia mahasiswa dan juga berita terkini

Berbagi :